Update 1. Shanaya
Shanaya ek bahot hi achchi ladki thi. Bahot hi khubsurat, masoom, magar padhi likhi, BA passed ladki thi. Usski nazrein hamesha zammen dekhti thi, woh kissi se baat karti thi to shayad hi kissi ko nazrein uthakar dekhti thi apnon ke ilawa. Usski paalan posan ek eise parivaar mein hui jiss se uss par bahot achchah assar pada aur woh bhi apne parivaaar wali jeise achchi, nek, hansmuk, khushnumah insaan baani. Ghussa kissko kehte hein ussko pata hi nahin tha. Uss ne kabhi bhi ghussa nahin kiya tha apni zindagi mein. Bachpan se sab kuch itna khushgawaar guzra ke 23 saal ki hone tak kabhi Shanaya ko ghussa nahin aaya kissi bhi baat par nah hi kissi se kabhi bhi. Apne maa baap se itna pyar mila, itne apnapan , maamta mili ke Shanaya ko zindagi se kabhi koyi bhi shikaayat nahin hui. Usski adaein, swabhaav eise the ke kissi ko bhi uss par pyar ajaae. Bahot sare ladke ne ussko paana chaha magar Shanaya ne kissi ko apne karib nahin ane diya kabhi. Han ekaat dost bane jinn dinon woh college jaya karti thi, woh bhi sirf tuition ke waqt ladke dost bane magar dosti se ziada kuch bhi nahin hua kabhi halaan ke unn ladkon mein se kayi ka dil Shanaya par aya magar Shanaya ne saaf alfazon mein keh diya ke dosti tak thik hai agar kissi ne bhi uss se ziada rishta banana chaha to woh uss se dosti tod degi. To uss darr se kissi ne kabhi ussko propose hi nahin kiya uss ko chahte hue bhi.
Apne ghar mein sab se badi thi woh, maa baap ki pehli aulaad thi. Usske baad ek chota bhai aur ek choti behen thi usske. Baap bank mein ek mulazim tha, maa house wife thi bachchon ki dekh bhaal aur ghar ki kaam kaaj karti thi, woh khud ek full time job thi ek house wife ke liye.
Bachpan se Shanaya ko sikhaya gaya tha ke ek vachan ko kabhi nahin todna chahiye kissi bhi keemat par. Shanaya ka papa bhi bahot hi nek insaan the aur usski maa bhi weisi hi achchi awrat thi. Kul mila ke inn donon ki hi chhabi thi Shanaya mein. Weise hi achchi aulaad bani woh jeise usske parents the. Kuch bhi ghalat nahin karte the kabhi iss parivaar ke log. Bilkool seedhe the aur sahi tarike se zindagi basar karte the. Apne papa ki pyari thi Shanaya. Aur chote bhai behen to jaan chidakte the Shanaya par. Maa ki enkhon ka tara thi woh.. Jab Shanaya 18 saal ki hui to shaadi ki maangein ane lage the. Magar Shanaya ne apne papa se kaha ke woh abhi shadi nahin karna chahti… Usski badi khwahish thi ke apne peyron par khade hokar kaam kare aur apne papa ko kuch saalon tak help karein chote bhai behnon ki studies ke liye. Papa bhi maan gaye aur ziada study karne diya Shanaya ko. BA pass ke baad jaldi naukri mil gayi Shanaya ko aur bahot hi khush thi woh ke apne papa ko help kar sakti thi har mahine salary apne papa ke hathon mein thamaa kar. Papa bilkool apni beti ki kamaayi nahin leta magar keise bhi karke Shanaya khud ghar ke financial maamlon mein khud contribute karne lagi. Papa ko sach mein bahot asaani hui.
Shanaya ziada bolti nahin thi. Khamosh kisam ki ladki thi. Han apne ladki doston ke beech baat cheet karti thi magar ziada tar weh log bolte aur Shanaya sunti ziada thi bolti kum. Jab koyi eise weise baat karti jo ussko passand nahin to Shanaya unn ke beech rehti hi nahin kissi koney mein akeli chali jaati thi.
Jiss muhaley mein woh rehti thi wahan ke sab log ussko behad passand karte the kyun ke woh bahot hi achchi ladki thi upar se bahot ziada khub surat uss par se seerat to ghazab ki thi hi. Naukri se wapas ane ke baad jahan bus stop se utarti thi to koyi 50/60 metres chalne ke baad apne ghar ko aati thi. Unn dawraan chalne se, beech mein do dukaanein aati thi, ek mechanical workshop, ek hair dresser ki dukaan, ek maternal bachon ka school aur ek Majid bhai ka dukaan jahan se Shanaya ki papa sab kuch kharidte the aur khud Shanaya bhi wahin se chizein leti thi. Majid bhai ki dukaan mein sab kuch milta tha kitchen ke samaan se lekar dress aur make up aur chudiyan, anguthi etc.
Shanaya itni khubsurat thi ke ussko makeup ki zaroorat to nahin padti thi phir bhi thoda bahot cream powder aur perfumes istemaal karti thi. Bilkool gore rang ki thi, baal bahot lambe aur khub surat the aur usski enkhen bahot khub surat the. Woh hamesha sar jhuka kar chalti thi. Usski enkhen unhi logon ko dikhte the jiss se woh sar utha kar enkhon mein enkhen milakar baat karti. Varna har kissi ko yeh chance nahin milta ke Shanaya ki enkhon ko dekh sake. Usski honth bina lipstick ke behad laal the. Sabse attractive baat thi usski muskurahat. Jaan lewa thi usski smile, woh jab muskurati thi to samajh lo koyi bhi fida ho jata tha aur ussko smile karte dekhne ke liye taraste the log…. Ek ajeeb si kashish thi usski muskurahat mein… lavzon mein bayaan karna namumkin hai usski muskurahat ko…. Lagta tha ek pari zameen par utri hui hai aur khuda ka karishma nazar ata tha usski smile mein…. Uss mohale ke ladkon mein se kuch ladkon ne Shanaya ke kareeb jane ki koshish zaroor kiye magar naakaam rahe. Baad mein wohi ladke usski izat karne lage kyunke sabko pata chal gaya ke Shanaya bahot alag kisam ki ladki hai koyi eisi weisi nahin.
Jab Majid bhai ke dukaan ke paas se guzarti to har sham ko Majid bhai kehta “Shanaya beta kuch nahin chahiye? Din thik se guzra nah?” Aur har sham ko Shanaya Majid bhai ke dukaan ke paas aate aate khud sar uthakar usske taraf muskurate hue dekhti aur jawaab deti. Aur agar kuch samaan leni ho to andar jaati lene ke liye. Kabhi apne liye kuch leti to kabhi apne bhai aur behen ke liye kuch snacks ya mithaiyan kharidti thi. Shanaya ke liye Majid bhai hamesha discount deta tha kissi bhi samaan kharidne par. Who bachpan se apne papa ke saath Majid bhai ke dukaan par jaati thi to Majid bhai se achchah pehchaan tha. Majid bhai Shanaya ke papa ka hum umar tha aur Shanaya ko apni beti ki tarah dekhta tha, balke kabhi kabhaar Shanaya aur Majid bhai ki beti Zarina ek dusre ke yahan jaate time pass karne ko. To Zarina aur Shanaya dost the.
Ek din jab Shanaya Majid bhai ki dukaan par pohunchne hi wali thi usski mobile baji, dekha to Zarina ki call aa rahi thi. Zarina ne kaha, “Sun sun agar tum mere papa ke dukaan ke paas reach ho gayi ho to uss ko mat batana ke mera call hai, aur mere bare mein pooche to bolna ke tum mujhse nahin mili, main apne boyfriend ke saath hoon late aungi bye!!”
Shanaya Zarina se sheher mein mili thi uss din, aur ussko pata bhi nahin tha ke sham tak who wapas nahin aayi hai. Ab udhar Zarina ko pata tha ke uss waqt Shanaya usske papa ke dukaan se guzarti hai aur usska baap Shanaya se baat cheet ke dauraan usske bare mein pooch sakti hai, issi liye Zarina ne socha ke kahin who bata nah de ke who suu se mili thi, to phone karke ussne mana kar diya batane ko…..
Ab eise batein kia Shanaya par koyi assar karti thi? Kia Shanaya jab dekhti thi ke har usske friends ke boyfriends hein, to ussko kuch kami mehsoos hoti thi? Nahin bilkool nahin. Shanaya na to heyraan thi ke Zarina eisa keise kar sakti hai apne papa ko dhoka dete hue, aur nah hi Shanaya ko koyi taajub hui ke Zarina apne boyfriend ke saath hai. Shanaya uss phool ki tarah thi jo keechad ke beech rehkar bhi apne aap ko behtareen rakhe aur sambhaale hue the. Uss par kissi bhi modern activities, ya society ki naye chizon ka prabhaav nahin padta tha. Woh jeisi thi apne aap mein bahot khush thi aur weise hi rehna passand karti thi. Usski apne usool, apne tarike the zindagi jeene ke liye.
Kaam ek bade software company mein karti thi magar ek simple administrative clerical job thi. Aur woh uss se khush thi.
Pure ek saal tak kaam kar liya uss company mein, agle saal salary mein increments bhi mil gayi, aur promote bhi ho gayi chief clerk tak. Usski khushion ka inteha na tha. Ghar aakar apne parivaar ke saath apni khushion ko banti thi mithaayon ke saath. Majid bhai ko bhi bata diya. Aur ek do logon se baat hui raaste mein unnko bhi khush khabri de diya Shanaya ne. 24 saal ki hone ko aayi aur ab baat usski shaadi ki phir se hone lagi. Magar Shanaya ne phir inkaar kiya aur rone bhi lagi apne papa se yeh kehte hue ke aaj ki daur mein yeh shadi karne ki umar nahin hai! Woh aur kaam karna chahti hai aur shadi ke bare mein baad mein sochegi. Baap ne zor nahin diya aur jinn logon ne shadi ki prastaav bheje the unnko inkaar kar diya.
To be continued…………….
Post a Comment