Update 70 Rapid Change In Vihaan’s Life (A)
Ab sab yehi soch rahe honge inn do ladkiyon ki tarah ke Vihaan aakhir ek college ki principal se milne kyun gaya hai? To chaliye hum bhi dekhte hein…..
Vihaan ne principal ke office ki darwaze ko knock kiya aur andar se ek mahila ki awaaz ne aane ko kaha.
Vihaan andar daakhil hote hue Good morning maam kaha to lady ne pucha,
“yes, very good morning, do I know you, young man?”
Vihaan kuch darra hua sa laga phir bhi bola jo bolna tha, aur madam ji ne kaha,
“Well it is assembly time main assembly attend karke wapas aati hoo, will talk to you then, please be seated.”
Vihaan akela reh gaya office mein aur intezaar kiya; koyi 15 mins ke baad madam wapas aayi aur Vihaan se baat kiye.
Vihaan ne principal saheba ko samjhaya apne studies ke baare mein aur kaha ke ab wo apne exams dena chahta hai aur degree haasil karna chahta hai to advice ke liye aya tha aur puchne ke kia koyi upaye hai ussko succeed hone ke liye. Madam ji ne bahot saare sawaal kiye vihaan se ke kiss college ka student tha, kyun fail hua, kiss subject mein awal tha, kahan chuk gaya etc.
Vihaan ke answers ke baad madam ji ne apne assistant ko aur do senior teachers ko bulwaya office mein. Ek interview ke jeisa liya gaya Vihaan ke saath. Sawaal jawaab chal raha tha unn logon ke aur vihaan ke beech. Uss dauraan ek baar jab pucha gaya ke kiss subject mein vihaan ne sabse ziada points haasil kiye the pichle 3 saal mein to subjects ke beech vihaan ne French kaha… French sunkar principal, usska assistant and donon senior teachers shocked hue aur ek dusre ke chehre ko dekhne lage, unn mein se principal sab se khush dikhne lagi thi aur, muskura rahi thi.
Principal madam se vihaan se pucha,
“Aap French jaante ho aur sabse ziada points French mein rahe hein aap ke last 3 years mein?”
Vihaan ne kaha,
“haan 100% hamesha laya hoon French mein.”
Assistant ne pucha,
“degree aap kiss field mein karne wale the?”
Vihaan ne kaha,
“Finance with law”
Principal ne pucha,
“To maths aur accounts mein kitne points aate the aap ke?”
Vihaan ne kaha,
“Accounts mein 98% aur maths mein 90% magar last 2 baar inhi do subjects mein main fail hua tha issi liye chorr diya tha college jana magar ab complete karna chahta hoon isse main!”
Vihaan se pucha gaya ke wo kahan rehta hai to jab ussne apne dada ki gaon ka naam bataya to apne mein teacher ne kaha,
“we have students here from that place, right?”
To Vihaan ne unn se kaha,
“yes three students from there come to this college, all girls!”
Principal ne pucha, “aur aap kiss family se ho? matlab we would like to know about your parents”
Vihaan ne bataya ke abhi wo 3 saal ke liye apne dada ke yahan reh rahe hein, aur dada ka naam bataya, “Raghuvansh Ishwar”
Yeh naam sunkar Principal ke saath sabke sab aur ek baar shocked hue aur Principal ne pucha,
“you are Mister Raghuvansh grandson? You are a “Ishwar” then you mean?
“Vihaan ne kaha,
“Yes maam I am Vihaan Ishwar”
Principal madam ne muskurate hue pucha,
“did mister Ishwar send you here to see us?”
Vihaan: “If you mean to ask either my grandfather sent me here, the answer is no, I came on my own he does not even know if I am here at this moment, but why you asking this?!”
Principal madam aur usski assistant aur baki sab hanssne lage.
Vihaan ke samajh mein nahin aya ke kyun weh log usske dada ko lekar hanss rahe the aur ussko laga ke kuch gadbad zaroor hua hoga.
Tab Principal madam ne vihaan ko muskuraate hue dekha aur kaha,
“Your grandfather is the principal trustee of this College, his name is at the top of the list of donations, he helps us a lot financially to move on you are not aware of this it seems!”
Vihaan ko yeh sunkar Khushi bhi hui aur bahot tahjub bhi hua, ussko iss baare mein kuch bhi nahin pata tha.
Principal ne Vihaan ko kuch der baahar wait karne ko kaha kyunke unnko aapas mein kuch baat karne the….
Office ke baahar ek bench laga hua tha jiss par vihaan baith kar wait karne laga ke ussne ekaat students ko aate jaate dekha, lower classes ke bache the. Kuch chote ladke aur ladkiyon ko ek saath dekha, phir kuch elder classes ke ladkiyan ek saath library jaa rahe the, library jaane ke liye usske paas se guzarna tha sab ko, aur unn mein ek ladki thi, Ruchi!
Ruchi ne pehle se vihaan ko dekh liya tha, aur unn ladkiyon ke beech chhupne ki koshish kar rahi thi magar vihaan ne ussko dekh liya aur khada ho gaya. Phoolvanti uss group mein nahin thi. Vihaan ka dil zoron se dhadka aur jab sab usske paas aaye to Vihaan ne Ruchi ka naam phukara… Ruchi ka chehra laal hua phir bhi ruk gayi aur baaki ke sab ladkiyan chale gaye.
Ruchi wahan theher kar vihaan se pucha,
“kia hua? Aap baahar kyun hai, madam se nahin mile?
Vihaan ne Ruchi ke chehre mein pyar bhari nazron se dekhte hue kaha,
“hmm nahin mil liya hoon unhon ne mujhe wait karne ko kaha phir wapas andar bulayenge….”
Ruchi ke haath mein usski mobile thi, bag nahin thi aur ek kitab ke niche Ruchi ne mobile chipaaye hua tha. Vihaan ko mobile nazar agaya tha magar kuch nahin kaha, Ruchi ne pucha,
“magar aap kyun milne aaye ho Principal ji se?”
Vihaan ne muskurakar kaha,
“wo tumko kal tak pata chal jaega, fikar kyun karti ho?!”
Ruchi ne kaha,
“kahin meri vajah se to nahin aaye ho nah? hope ke mujhko nahin bulaya jaega andar.”
Vihaan ne halki si hanssi mein kaha,
“Are nahin tumko kyun bulaya jaega, it’s only related to me.”
Tabhi Ruchi ki mobile baji, usske friends library pahunch gaye the aur ussko bula rahe the wahan.
Vihaan ne Ruchi ko mobile ko kaan se lagaate hue dekha aur ussko baat karte hue suna ke ussne kaha,
“haan aati hoon nah tum log start karo main abhi aayi baba!”
Vihaan ne tab apne ek ungli ko mobile ke taraf karte hue kaha,
“achi mobile hai, new dikh raha hai, kia hai? I mean make kia hai?!”
Ruchi Vihaan ke chehre mein dekhte hue halki si muskurahat mein thoda sa sar niche jhukaate hue, mobile ko vihaan ke taraf kiya, matlab vihaan ko apna mobile de diya dekhne ke liye ke kaun sa make ki mobile hai.
Vihaan ne mobile ko haath mein lekar dekha aur pucha,
“Ab number le sakta hoon kia? Main iss se apne mobile ko call karun?”
Ruchi niche dekhti rahi bina kuch kahe. Vihaan ne sawaal dohraya, phir bhi Ruchi ne kuch nahin kaha. Tab vihaan ne kaha,
“permission mang raha hoon, nahin to kahogi ke tumhare permission ke bina kyun tumhare number liya main ne.”
Wo kia tha? kyun Ruchi ne apna mobile thama diya tha Vihaan ko? Kia wo chahti thi ke ab Vihaan usska number lein? Magar kyun keh nahin rahi thi ke haan lelo? Aur vihaan kyun jaldi se khud ko call nahin kar raha tha usski number save karne ke liye, yeh to ek acha mauka tha usske liye Ruchi ka number lene ke liye phir bhi kyun vihaan nahin le raha tha?
Vihaan iss liye permission mang raha tha Ruchi se kyunke buss mein Ruchi ne kaha tha ke usske bag mein haath daal kar to wo mobile nahin le sakta usski permission ke bina kyunke wo budtamiz nahin dikhta, issi liye ab bhi vihan usska number nahin le raha tha usske ijazat ke baghair. Magar Ruchi keh nahin paa rahi thi ke haan lelo, bus mobile de diya tha vihaan ko aur soch rahi thi ke wo khud mauke ka faeda uthaate hue mobile se khud ko call karega aur ussko number mil jayega.
Magar thik tabhi office ka door khula aur vihaan ko assistant ne andar bulaya. Ruchi ne jab darwaza khulte hue dekha to jhat se mobile le liya vihaan ke haath se aur Library ki taraf jaane lagi piche mudhkar vihaan ko dekhte hue. Ruchi nahin chahti thi ke principal ya koyi yeh dekhe ke Ruchi ne apni mobile vihaan ko diya hua tha iss liye ussne jhat se mobile wapas liya.
Office ke andar Vihaan se aur sawalaat kiye gaye. Iss baar different baat hue usske saath. Pricipal ne kaha,
“Mister Vihaan Ishwar, we have a deal for you now! Hamare yahan pichle 3 mahinon se ek French teacher ki zaroorat hai, our old French teacher passed away three month ago and we are still looking for one, we do not have many students studying French and it is taught only up to the 12th class, so we want to know if you can teach French to students of classes from 10th to 12th? You have passed your 12th with 100% in French you said, so I wish to ask you few questions in French just to assure myself either you can really speak, then tomorrow we will ask you to bring your results to show us after which we will appoint you as a teacher here, but at the same time you will be given a crash course for your finance with law which will be free of course, you will not have to pay for anything, 1 saal ke andar tum apne degree haasil kar paoge, kyunke you already have done that for past 3 years so it will be easy for you to catch up, so a part time course diya jaega tumko apne degree ke liye, we already have qualified teachers to help you for that. And you will get your salary as any teacher gets here for your teaching!”
Vihaan apne kaanon par yakeen nahin kar paa raha tha jo kuch ussne suna, Khushi ke maare usske enkhen bhar aaye aur usske samajh mein nahin araha tha ke kia kahen wo. Ek gehri saans lene ke baad vihaan ne pucha,
“combiens d’eleves de Francais avez vous ici?!”
Yeh French zubaan mein ussne sawaal kiya tha ke yaha par kitne French padhne wale students hein.
Pricipal kush hue aur French mein hi jawaab diya,
“il y en a pas beaucoup, mais qu’environ une trentaines!”
Matlab ziada nahin koyi 30 ke aas paas students hein French padhne waale.
Principal ne tab ek senior teacher se kaha ke jaa kar sabhi French wale students ko ek class mein ekatha karne ko kaha usske baad wo vihaan ko unn se milaane wale the abhi hi aur kal se vihaan ko classes join karna tha.
Kuch der tak office mein vihaan batein karta raha principal aur usske assistanr ke saath aur jab wo teacher wapas aya aur kaha ke French wale students ek class mein jama ho gaye hein to Principal ne Vihaan ko usske saath chalne ko kaha.
Jab class mein daakhil hue, sab students, jiss mein boys aur girls mix the, weise boys sirf 5 the baaki sab ladkiyan the, sab ne ek awaaz mein “good morning maam kaha”
Class ke saamne madam aur vihaan khade hue, aur maam ne vihaan ko introduce karte hue kaha,
“Dear students, ab humko aap ka French teacher mil gaya hai, This is mister Vihaan Ishwar and he is your new French teacher, kal se yeh aap sabko French padhaenge!”
Vihaan kuch ghabraya sa tha aur class mein dekh raha tha sabhi ko ek ek karke jeise usski nazrein kissi ki talaash kar rahe the, aur wo unn students ke beech nahin thi. Haan vihaan Ruchi ko dhund raha tha unn students ke beech, aur wo nahin thi unn karib 30 students mein.
Students ne sab ko hello kaha aur sab ne “good morning Sir” kaha. Vihaan ko bahot ajeeb laga ke ussko ‘Sir’ kaha gaya aur usska chehra laal ho gaya… thik tabhi kissi ne class ka darwaza khol kar andar aye….wo Ruchi thi….. vihaan ka dil zoron se dhadka, aur ruchi ne andar aate hue kaha,
“Sorry madam main library mein thi iss liye mujhko pata nahin chala, abhi mujhse kaha gaya ke sabhi French students ko yahan bulaya gaya hai!”
To be continued immediately in the next update….
Post a Comment