Update 71 Rapid Change In Vihaan’s Life (B)
Principal ne kaha,
“Hello Ruchi oh yes tum bhi French student ho nah? So, meet Mister Vihaan Ishwar, he is your new French teacher!”
Ruchi uss waqt class ke beech nahin thi, wo tab bhi darwaze ke paas hi khadi thi, matlab vihaan ab class ke taraf nahin Ruchi ko dekh raha tha aur Ruchi Vihaan ko… donon ke dil zoron se dhadak rahe the aur donon ke chehre laal ho gaye the aur dhire se Ruchi ne kaha,
“Hello Sir!”
To madam ne kaha,
“Ruchi you are French Student to apne teacher ko French mein welcome karo!”
Tab Ruchi ne ek lambi saans lene ke baad kaha,
“Soyez la bienvenue chez nous Monsieur”
Matlab, “Welcome to our school Sir”
Tab tak, Ruchi bhi class ke beech chali gayi aur Vihaan ne French mein pure class ke taraf dekhte hue kaha,
“Je vous remercie tous et j’espere etre a la hauteur de vous enseigner et vous faire passer vos examens”
Matlab, “aap sabhon ka shukriya mujhe umeed hai ke main aap sabhi logon ko apne exams mein kaamyaab kara paun!”
Ruchi apne honton ko danton mein dabaaye hue ek halki si Muskaan se Vihaan ko ghurr rahi thi, ussko uss waqt Vihaan behad smart aur handsome dikh rahe the aur wohi pal tha jab Ruchi ne vihaan ko bahot pyar bhari nazron se dekha tha pehli baar!!
Principal ne tab sabhi ko apne apne clases mein wapas jaane ko kaha yeh kehte hue ke kal se sabke French classes start hogi aur time table sabko de di jaegi.
Aur wahan se Principal ne vihaan ko apne assistant se milne ko kaha jaane se pehle. Unn se milkar vihaan ko pata chala college ki dress code kia hai teachers ke liye, kitne baje subha ko join karna hai aur kab classes end hote hein vaghaira vaghaira…. Vihaan ko yeh bhi kaha gaya ke jald se jald apne certificates aur results bhi lane ko office ke record mein bharne ke liye……
**********************************************************
Wahan se Vihaan wapas ghar gaya, dada ji ko sab bataya, aur kaha ke abhi ke abhi ussko sheher wapas jana hoga apne school certificates aur kuch kapde kharidne ke liye… to dada ji ne usske chacha ko phone kiya jisske paas 4x4 hai wo vihaan ko lekar usske sheher gaye, Wahan Vihaan ne Ashita ko call kiya college ke baahar wo Vihaan ko ghar ki keys dene aayi, vihaan ghar gaya, apne zaroorat ke chizein liye,ATM se paise nikaale, kuch kapde aur ties, naye joote kharide aur wapas gaon chala gaya shaam tak.
Ashita se mil nahin paya buss ussi waqt mila college ke gate ke paas jaate waqt aur ussko keys wapas karte waqt. Ashita usske baahon mein samaa gayi thi aur ussko chorr nahin rahi thi, rone lagi thi, vihaan badi mushkil se Ashita ke baahon se juda hue. Vihaan ne Ashita ko nahin bataya ke wo kyun aya tha, ghar walon ko surprise dena chahta tha, apne dada se bhi keh diya tha ke kissi ko bhi kuch bhi bilkool nahin bataane ko. Sirf itna kaha ke sabhi se kehna ke ek Naukri kar raha hai kissi private company mein. Dada ne bhi kaha ke haan kissi ko kuch bhi bataane ki koyi zaroorat nahin.
Ashita se milna to chahta tha vihaan magar bade chacha ke 4x4 mein gaya tha aur wo wait kar raha tha car mein, iss liye Vihaan ko sab kuch jaldi jaldi karna para….
Ab uss shaam ko jiss waqt vihaan apne sheher mein kharidaari kar raha tha, ek taraf Ashita ussko call karke ghar aane ko keh rahi thi aur dusri taraf Ruchi aur Phoolvanti jab bus se utre the to vihaan ko expect kar rahe the magar wo nahin dikha tha, pure raaste ghar wapas jaate waqt Ruchi piche mudhkar baar baar dekh rahi thi ke ussko vihaan dikhe, magar wo to sheher mein tha uss waqt keise milta ruchi se….
Udhar Ashita ne jab phone kiya tha vihaan ko to vihaan ne bataya ke wo ussi sheher mein hai uss waqt jiss waqt Ashita college se wapas ghar aayi thi to Ashita bahot rone lagi thi yeh kehte hue,
“Bhai tum yahin ho issi sheher mein main bhi yahin hoon phir bhi ek pal ke liye tumse mil nahin sakti yeh keisa din agaya hai bhai ajao nah 5 mins ke liye mujhse milkar chale jaana please aao nah bhai!”
Vihaan ne tadapti awaaz se Ashita ko jawaab diya,
“nahin aa sakta baby, chacha ko wapas apne kaarobaar sambhaalna hai ussne meri help kiya yahan tak mujhe drive karke, usske kaam mein harakat ho rahe hein meri vajah se main abuse to nahin kar sakta nah? keise unnse wapas ghar jaane ke liye kahun main? Humko wapas gaon jana hai aur kitne long drive karna hai tujhe pata hai nah, sorry my love hum nahin mil sakte, mujhe bhi afsos ho raha hai magar kia karun?!”
Ashita bilak bilak kar rone lagi thi uss waqt.
**********************************************************
Aur dusri taraf jab Phoolvati aur Ruchi chalte hue apne ghar jaa rahe the to Vihaan ko nahin milne par Ruchi bahot udaas ho gayi thi, donon Vihaan ke baare mein hi baat karte hue jaa rahe the, usska college ana, usska French teacher hona, kal se usska college mein teach karna, yeh sab baat karte hue jaa rahe the donon. Jab Ruchi baar baar mudhkar Dekh rahi thi to phoolvati ne kaha,
“Teri nazrein ussi ko dhund rahi hai nah? mujhe pata hai, tu ussko chahne lagi hai magar chhupa rahi hai, kyun apna number nahin diya tumne usse? Abhi baat to kar sakti thi nah uss se?!”
Ruchi ne kaha,
“keise baat karungi? Ghar par bhabi ko pata chal jaega!”
Phoolvanti ne kaha,
“ari pagli mobile ko silent par rakhna, aur raat ko sone ke waqt text karke baat karna kissi ko kuch bhi pata nahin chalega!”
Ruchi ne kaha,
“Aaj college mein main ne ussko apna mobile diya tha, socha tha ke wo number le lega magar nahin liya!”
Phoolvanti: “what? Nahin liya? Keisa budhoo hai?!”
Ruchi ne sharmaate hue kaha,
“mera permission ka wait kar raha tha hihihi!”
Phoolwanti: “paagal hai wo bhi! Eisa mauka haath se jaane diya ussne?”
Ruchi: “hmmm bahot sharif hai mere permission ke bina nahin liya mera number halaan ke mera mobile usske haath mein tha sirf apne number dial karke mera number lena tha magar nahin liya ussne kyunke main ne permission nahin diya tha”
Phoolvanti: “tu kahe to main de doon tera number usse?!”
Ruchi ne kuch nahin kaha aur tab tak Phoolvati ka ghar agaya tha…..
Ruchi apne ghar tak chalti gayi magar baar baar piche mudhkar dekhti gayi ke shaayad ussko vihaan dikh jaaye, magar nahin dikha aur udaas hokar wo ghar gayi…. Aur sham ko Ruchi ne Phoolvanti ko text kiya,
“hey phool tu nah ussko mera number dede yaar!”
Phoolvanti, Ruchi ki message padhkar zor se hanss padi aur vihaan ko text kiya,
“Here is the number of ruchi xxxxxxxx…. Ruchi told me to give you her number, happy now? But don’t call her, just text her otherwise she can get trouble at home. Bye”
Vihaan ussi waqt gaon reach ho raha tha jab phoolvatti ki message mila ussko.
Shaam ke 6 baj chuke tha aur suraj dhal raha tha. Vihaan bahot bahot khush hua, ussko zor se chilaa kar apne Khushi ko izhaar karne ka mann kar raha tha magar chacha ke saath car mein tha to apni Khushi ko dabaaye rakha ussne aur ghar jaate hie sabse pehle wo kamre mein saare samaan ko rakh kar Ruchi ko text kiya,
“hello Ruchi, Vihaan here, thanks very much for giving me your number”
Ruchi ka jawaab yeh aya,
“Kahan the aap? Eise to piccha karte ho aur jab aap se milne ko mann kiya to aap ghaayab the, yeh jaan bujh kar kiya nah aap ne mujhe sataane ke liye, bataayie!?”
To be continued…… (3500 words from last 2 updates)
Post a Comment