Update 49 Anirud Manages The Situation
“Ab hum donon ko juda kiya jaega Ashu, humko ek dusre se door kiya jaega dekh lena mummy humko bilkool alag karegi aur hum kuch bhi nahin kar paaenge Ashu, papa bhi kuch nahin kar paega; tum se main keise door reh paunga ashu?! – Mummy nana, nani aur dada dadi ko phone karke sab bataegi, aur pure family hamare khilaaf honge….. Ashu humko shayad yahan se abhi ke abhi bhaag jana chahiye nahin to humara milan nahin hoga kabhi bhi, hum hamesha ke liye juda ho jayeinguey my baby….”
Ab aguey….
Ashita ghabraayi hui thi Vihaan ke baat ko sunkar phir kaha,
“Bhai papa ko shock lag jaega ussko dil ka dauda par gaya to hum kahin aur honge aur ussko dekh bhi nahin payenge, hum eisa keise kar sakte hein bhai? Yeh ghalat nahin hoga kia?”
Vihaan: “to kia karen hum ab Ashu? Mummy tumko zabardasti kissi se bhi jaldi se shaadi karwa degi, tumhara college jana turant badh karwa degi, dada dadi, nana nani, chacha chachi, sab log mummy ka saath denge, sab purane khayaalaat ke hein sab yehi kahenge ke tumhari shaadi karana chahiye, hum alag ho jaenge my love, main marr jaunga, main tut jaunga baby! Chalo bhagte hein nah!”
Ashita: “okay magar chalo papa ko bata ke jaate hein mummy ke ane se pehle, agar ussne haan kaha to chalte hein!”
Vihaan: “papa mana karega ashu, humko bina unhen batae jana hoga!”
Ashita ne rote hue kaha,
“No! main papa ko batae bina nahin jaungi bhai, please, main papa ko bahot pyar karti hoon, wo hamara itna support kar raha hai agar hum ussko bina bataye gaye to yeh ussko dhoka dena hoga ussko to kum se kum pata hona chahiye hamare baare mein bhai!”
Donon ke dil bade zoron se dhadak rahe the, bahot hi ghabraaye hue the donon, kissi ka dimaagh thik se kaam nahin kar raha tha uss waqt, unnke samajh mein bilkool nahin araha tha ke kia karen, to aakhir mein decide kiya ke apne papa ko bata dein.
Donon lounge mein gaye aur Anirud ko kaha ke donon bhag rahe hein.
Anirud ko ek aur jhatka laga, uth khada hua yeh kehte,
“Tum paagal ho gaye ho kia donon? Hargiz nahin jana hai kahin bhi!”
Vihaan ne sar jhatakte hue Ashita ko dekha aur kaha,
“Dekha? Ab kia?!”
Anirud donon ke karib aaye aur araam se kaha,
“Bacho, yeh jaldbaazi mein liye hue decision ghalat saabit hoga. Kahin nahin jaana hai, tum donon ki zindagi narak ban jaegi agar akele jaa kar jina chahoge to, eise nahin jaate. Bahot musibaton ka saamna karna padega, main tum donon ko dar dar ke thokrein khaate hue nahin dekh paunga. Tum donon fikar mat karo. Main hoon nah, main kuch nah kuch to karunga, tum donon araam karo, stop tormenting yourselves.”
Vihaan ne hataash hote hue apne baap se kaha,
“papa mummy ko pata chal hi jaega ghar aate aate; mujhe yakeen hai wo Ashita ki shaadi karana chahegi, mujhse door kar degi issko, main paagal ho jaunga papa main Ashu ke bina nahin jee sakta papa please humko juda mat hone dena papa!” yeh kehkar Vihaan apne ghutnon par agaya aur sisakte hue rone laga. Ussko weisa dekh kar ashita ne bhi rona shuru kiya aur usske paas baith kar usske sar ko apne seene se laga kar ussko tassali dene ki koshish karne lagi tab tak Anirud bhi aakar donon ko apne sene se lagaate hue kaha,
“Kia mazaak hai Ashu ki shaadi kar degi? Main hone dunga kia? Eisa kuch nahin hoga!”
Vihaan ne rote hue hi kaha,
“Papa aap kuch nahin kar paoge, aap majboor ho jaoge kyunke mummy pure family ko ekatha karke sab bataayegi, aur dada dadi, nana nani bhi mummy se sehmat honge…. “
Anirud ne vihaan ke chehre se behte ensoo ko ponchte hue pucha,
“tumko keise pata wo yeh sab karegi?”
Vihaan: “are papa aap ussko nahin jaante kia? Mummy hai wo mujhe sab pata hota hai usske soch ke baare mein, wo bilkool eisa hi karna chahegi.”
Anirud ne vihaan ke baalon mein apne ungliyon ko ferrte hue ussko dilaasha dete hue kaha,
“main hoon nah beta? Kuch nahin karegi wo. Haan chalo tumhare dada dadi aur nana nani ko bataegi chalo ok wo thik hai bataane do, magar shaadi to nahin karwane dunga, koyi bhi decision lene se pehle mujhko to bataenge nah wo log?!”
Anirud phir baith gaya sofe par aur apne khud ke baare mein sochne laga. Guzar chuka tha wo exactly eise hi situation se. jo Vihaan aur Ashita par abhi beet raha hai Anirud par beet chuka tha pehle. Apne sar ko sofe se tekte hue Anirud ne pucha,
“abhi time kia hua hai?!”
Ashita ne jawaab mein kaha,
“papa it is 2 p.m”
Anirud ne kaha,
Suman shaam ke 5 baje aegi, time hai mere paas chalo aaj tum donon ko apne aur meri behen ke baare mein batata hoon, awo donon idhar sofe par mere saath baitho.”
Tab tak weh donon ne rona badh kar diya tha magar ab bhi bahot tension mein the, aur apne papa ke baat ko sunkar jeise donon ko ek sukoon sa haasil hua pata nahin kyun. Donon ko kuch acha feel hua. Aur donon ne ek saath gehre saans liye aur sofe ke taraf badhe apne papa ke paas. Anirud bahot strong dikhne laga tha achanak aur apne chaati ko chauda karte hue kaha,
“You have to be bold and very strong both of you. Wo ghalati mat karna jo main ne kiye the. Main kumzor par gaya tha kyunke main bilkool akela aur kum umar ka tha. tum to 20 ke upar ke ho gaye ho Vihaan main sirf 18 ka tha jab mere saath yeh sab hua tha jo abhi tum donon ke saath ho raha hai. Tab 16 ka tha jab se hum chhup chhup kar apne pyar ko parwaan chadhte mehsoos karne lage the…..”
Ashita ne apne papa ke baat ko kaatte hue kaha,
“papa main kuch peene ki liye bana laaun?”
Vihaan ne apne papa ki jagah jawaab diya,
“haan thik hai teenon ke liye juice le aao!”
Jab Ashita gayi juice banane to, Anirud ne bahot strongly Vihaan ke kaandhe par haath rakh kar kaha,
“Ab tum mard ban gaye ho beta, mujhe pata hai agar tum ussko lekar kahin bhi chale gaye to ussko bahot khush rakhoge yakeen hai mujhe, magar abhi yeh karna bilkool sahi nahin hai. Wo padh rahi hai usska education ka kia hoga? At least ussko apni degree to paa lene do, wo tum donon ke zindagi ke future ke liye ek plus point hoga agar Ashita ko degree mil gayi to. Tumne to complete nahin kiya apne studies, ussko to kar lene do. Maanlo kabhi aaguey chal kar life mein tumko professional problem hua to Ashita tumhare ghar ko chala to paegi…. Ek ladki ko bhi utna hi freedom dena chahiye jitna ek mard ko milta hai. Wo bahot kuch kar paegi aguey chal kar, aur wo tumhare liye bada help hoga, tum donon ke liye ek bahot bada plus point hoga. Tum donon ek dusre se kissi bhi haalat mein alag to nahin reh paoge to kia agar kabhi tumhare life mein Naukri wale problem aaye to wo tumhara saath nahin degi? Degi nah? to keise degi? Ek achi Naukri hogi usske paas tab nah degi? Iss liye usska degree haasil karna bahot zaroori hai. Iss liye main kabhi bhi usski shaadi nahin hone dunga jab tak usski studies puri nahin hoti. Abhi 3 saal pura ussko study karna hai.!”
Vihaan apne papa ke baton ko achi tarah se samajh gaya aur uss se bilkool raazi tha ab.
Ashita juice lekar aayi aur teenon juice peete hue baithe aur Anirud ne apni kahani batana shuru kiya.
To be continued immediately in the next post…
Post a Comment